सांगायचा मुद्दा असा कि आपल्या महाराष्ट्रात जनावरांची फारच दुरवस्था आहे . गोहत्या बंदी कायदा असून सुद्धा गाईंची हत्या झाल्याशिवाय राहत नाही . आजच सकाळला बातमी वाचली ३०० किलो मांस संगमनेरमध्ये सापडले . शेतकरी रस्त्यावर गाई सोडू लागले आहेत , जनावरांच्या बाजारात कमी भावात जन्वरांची विक्री सुरु आहे , लपून छपून कसाईच हे जनावरे विकत घेतात . दुष्काळामुळे पाणी नाही, चारा नाही …. चाराडेपो सुरु करा म्हणून शेतकऱ्यांची मागणी आहे परतू शासन लक्ष देत नाही आणि छावणीसाठी एवढे जाचक नियम व अटी करून ठेवल्या आहेत कि कोणी छावणी सुरु करू इच्छित नाही . गम्मत म्हणजे छावणीतील जन्वारांच्या शेणाचे देखील ऑडीट होणार आहे आणि त्या शेणाची किमत ठरविली जाऊन छावणी मालकाच्या बिलातून ती रक्कम कापून घेतिली जाणार आहे त्यामुळे काय होईल कोणी किती" शेण खाल्ले " हे उघड होणार ह्या सर्व प्रक्रियेत जीव जाईन तो या मुक्या जनावरांचा व शेतकर्यांचा . तेव्हा सरकारने याकडे गांभीर्याने बघायला हवे . . आता ज्या छावण्या आहेत त्या अतिशय थोड्या आहेत . नगर तालुक्यातील जनावरे आष्टी तालुक्यात नेले जातात …छावणी म्हणजे एक छोटेशे गावच असते . तेथील आरोग्याचा प्रश्न सुद्धा गंभीर बनतो त्याकरिता चारा डेपो जर सुरु झाले व शेतकर्यांना चारा घरी नेता आला तर शासनाचा बराच भाग हलका होईल .. असो काहीही चांगले उपाय करून हे पशुधन वाचवणे महत्वाचे आहे . विविध तज्ञ मंडळी शासनात आहे त्यांनी हे तातडीने कारवाई करावी एवढीच माफक अपेक्षा .
अशोकानंद महाराज कर्डिले
